Бес күндік өмір жарыста,
Айналған едік танысқа.
Кеткенің кеткен шалғайға
Жүргенім жүрген алыста.
Сабырға сүю қарай ма?
Түсетін болдым сан ойға.
Қарайлай берем сен бе деп
Елеңдей берем маңайға.
Бағаламаймын барды аса,
Бағаңды білер жол жаса.
Періште емессің қол жетпес
Жетемін тағдыр таңдаса.
Бақыттың жолы әр қилы,
Көңілім аңсап шалқиды.
Сен кеткен жақтан сенгісіз
Сағыныш иісі аңқиды.
Сенбеймін сезім жоқ десең,
Несіне онда от кешем.
Беймезгіл уақыт мені ойлап
Алданып жүрсің текке сен
