Мәлік Жамбылұлы

Ақ гүлім

1. Бал әнім,
Аққудан айнымас адалым.
Өзіңсің өмірде жүрекке,
Сезімді сездірген адамым.

Дарасың,
Тапқансың жанныммен жарасым.
Серілік жасасам мен кейде,
Сен оған өкпелеп қаласың.

Қ/сы:
Ақ гүлім,
Жүрекке алау от жақты күн.
Адалдық арымыз болған соң,
Бізбенен бір білем бақ бүгін.

2. Сенерім,
Өмірдің өлшемі сен едің,
Мен сені анамдай көремін,
Сондықтан ренжіте беремін.

Жүрсеңші,
Тәтті өмір менімен сүрсеңші,
Анамдай мен сені көргесін,
Балаңдай кешіре білсеңші.